Florence Nightingale

Það lá fyrir Florence að finna sér eiginmann og stofna heimili. En það var ekki það sem hún vildi. Köllun hennar í lífinu var að hugsa um aðra og þvert á óskir fjölskyldu sinnar hlaut hún þjálfun sem hjúkrunarfræðingur. Í Krímstríðinu var þörf fyrir hjúkrunarfólk og hún vissi að hún varð að stíga fram. Florence tók til hendinni og gjörbreytti sjúkra- og heilbrigðisþjónustu til hins betra. Hún er stundum kölluð formóðir nútíma heilbrigðisþjónustu og kenndi heiminum að heiðra og virða starf hjúkrunarfræðinga.